კომპანია Ukrferry უკრაინის ჩერნომორსკის პორტიდან ბათუმის მიმართულების საბორნე მიმოსვლას აღადგენს, რომელიც უკრაინაში რუსეთის სრულმასშტაბიანი შეჭრის შემდეგ შეჩერდა.

უკრაინული მედიის ცნობით, პირველი რეისი, ჩერნომორსკიდან ბათუმში, 2 ივლისს შესრულდება და  მარშრუტის გავლას დაახლოებით 60 საათი დასჭირდება.

როგორც Ukrferry-ის ვებსაიტზეა მითითებული, მარშრუტზე რეისს, 1989 წერს გერმანიაში აგებული საავტომობილო/ სარკინიგზო/ სამგზავრო ბორანი Kaunas-ი შეასრულებს, ის Lloyd-ის საკლასიფიკაციო ზედამხედველობის ქვეშ იმყოფება,

ბორანზე სხვადასხვა ტიპის კაიუტებში 250 მგზავრის ადგილია. მის ორ სატვირთო გემბანზე კი ერთდროულად შესაძლებელია 49 უნივერსალური სარკინიგზო ვაგონისა და 50 ტვირთო ავტომობილის განთავსება.