ჩვენ ამ ერთწლიანი საანგარიშო პერიოდის განმავლობაში მივიღეთ ევროკავშირის წევრობის კანდიდატის სტატუსი, ეს იყო მეოთხე უმნიშნელოვანესი ნაბიჯი, რომელიც გადადგა ქვეყანამ ევროინტეგრაციის მიმართულებით, – ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტებს განუცხადა.
მთავრობის მეთაურის თქმით, პირველი იყო ასოცირების შესახებ შეთანხმება, შემდეგ – თავისუფალი ვაჭრობის შესახებ შეთანხმება, ვიზალიბერალიზაცია და ევროკავშირის წევრობის კანდიდატის სტატუსი და ეს საანგარიშო წელი გამორჩეული იყო ამ კუთხითაც.
„რაც შეეხება კანონს, სამწუხაროდ, ყალბი აჟიოტაჟი იყო შექმნილი კანონის გარშემო, არარსებულ რუსულ კანონს აპროტესტებდნენ კონკრეტული ადამიანები როგორც ქვეყნის შიგნით, ისე ქვეყნის გარეთ, ეს ყველაფერი რეალურად წარსულია. რეალურად, ამ კანონით მოხდა ქვეყნის სუვერენიტეტის განმტკიცება და ვფიქრობ, ურთიერთბები აუცილებლად დაუბრუნდება ნორმალურ რეჟიმს როგორც ქვეყნის შიგნით< ასევე ქვეყნის გარეთ, ყველაფერი ამაზე მიუთითებს. ჰქონდათ ჭარბი ნეგატიური მოლოდინები ოპოზიციის წარმომადგენლებს, თუმცა მათი მოლოდინები არ გამართლდა. რეალურად ყველაფერი იქნება ისე, როგორც ეს შედის ქვეყნის ინტერესებში“, – განაცხადა პრემიერ-მინისტრმა.
კობახიძე: არარსებულ რუსულ კანონს აპროტესტებდნენ კონკრეტული ადამიანები როგორც ქვეყნის შიგნით, ისე გარეთ, ოპოზიციის ჭარბი ნეგატიური მოლოდინები არ გამართლდა
