დღეს ქვეყნის პრემიერ მინისტრი ვიქტორ ორბანი მოსკოვში ჩავა, სადაც რუსეთის პრეზიდენტ ვლადიმირ პუტინს შეხვდება. ამის შესახებ Financial Times-ი წერს.

არსებული ინფორმაციით, მოსკოვში ორბანთან ერთად უნგრეთის საგარეო საქმეთა მინისტრი პიტერ სიიარტოც გაემგზავრება.

რუსეთის პრეზიდენტის პრესმდივანმა დიმიტრი პესკოვმა მედიასთან საუბარში ამ საკითხზე კომენტარისგან თავი შეიკავა.

რამდენიმე დღის წინ ორბანი ბოლო 14 წლის განმავლობაში პირველად, უკრაინას ეწვია, სადაც ვოლოდიმირ ზელენსკის ცეცხლის დაუყოვნებლივ შეწყვეტა შესთავაზა, თუმცა უარი მიიღო.