როგორც უკრაინული მედია წერს, 27 მაისი უკრაინის სიდიდით მეორე ქალაქ ხარკოვში გლოვის დღედ გამოცხადდა.

ქალაქის ადმინისტრაციის ცნობით, 25 მაისს სავაჭრო ცენტრ „ეპიცენტრზე“ რუსული ავიაციის მიერ მიტანილი იერიშისას, 16 ადამიანი დაიღუპა, საოლქო პროკურატურა კი 14 დაღუპულზე ავრცელებს ცნობებს. აფეთქებისას დაშავდა ათობით ადამიანი.

„25 მაისს. დაღუპულთა გლოვის ნიშნად ადგილობრივი თვითმმართველობის ორგანოების შენობების, საწარმოების, სხვა სახის დაწესებულებების თავზე სახელმწიფო დროშა დაეშვება. აკრძალული იქნება ასევე გასართობი ღონისძიებები,“ - აცხადებს ქალაქის ადმინისტრაცია სოციალურ ქსელებში გამოქვეყნებულ განცხადებაში.