ბრიუსელში გამართული ევროკავშირის წევრი ქვეყნების საგარეო საქმეთა მინისტრების შეხვედრის შემდეგ, ევროკავშირის საბჭომ შემაჯამებელი განცხადება გამოაქვეყნა. მასში სხვა საკითხებთან ერთად, საქართველოზეც არის საუბარი.
„მიმდინარე მოვლენების ფარგლებში, საბჭოს მიეწოდა ინფორმაცია საქართველოში „უცხოური გავლენის გამჭვირვალობის შესახებ“ ახალი კანონის გარშემო განვითარებულ მოვლენებზე, რომელიც ეწინააღმდეგება ევროკავშირის პრინციპებსა და სულისკვეთებას.
წევრი ქვეყნები შეთანხმდნენ, რომ კანონის ამოქმედების შემთხვევაში, განიხილონ ევროკავშირის ყველაზე შესაფერისი პასუხი ივნისის საგარეო საქმეთა მინისტერიალზე, შესაძლო გადაწყვეტილების მიღების მიზნით“, - წერია განცხადებაში.
ევროკავშირის საბჭო: წევრი ქვეყნები შეთანხმდნენ, რომ საქართველოში კანონის ამოქმედების შემთხვევაში, განიხილონ ყველაზე შესაფერისი პასუხი
