ავსტრიის საგარეო საქმეთა სამინისტრო საქართველოს პარლამენტის მიერ „აგენტების კანონზე“ პრეზიდენტის ვეტოს დაძლევას ეხმიანება და აცხადებს, რომ ეს არის საგანგაშო ნაბიჯი არასწორი მიმართულებით.
„ძალიან ვწუხვართ, საქართველოს პარლამენტის მიერ „უცხოური გავლენის გამჭვირვალობის“ შესახებ კანონის საბოლოო მიღებაზე. ეს არის საგანგაშო ნაბიჯი არასწორი მიმართულებით. ეს ეწინააღმდეგება საქართველოს მოსახლეობის უმრავლესობის სურვილს ევროპული მომავლის შესახებ“,- ნათქვამია ავსტრიის საგარეო უწყების განცხადებაში, რომელიც X-ზე გამოქვეყნდა.
პარლამენტმა პლენარულ სხდომაზე„აგენტების კანონზე“ პრეზიდენტის ვეტო დაძლია. ვეტოს დაძლევას „ქართული ოცნების“ 84-მა დეპუტატმა დაუჭირა მხარი.
We deeply regret the final adoption of the law on transparency of foreign influence by the Georgian Parliament. This is an alarming move in the wrong direction!
— MFA Austria (@MFA_Austria) May 28, 2024
It contradicts the wish of the majority of the people of #Georgia for a European future. 🇪🇺🇬🇪
