გარემოს ეროვნული სააგენტო განცხადებას ავრცელებს და მოსახლეობას ამინდის გაუარესების გამო აფრთხილებს.

მათი ცნობით, დღეს 3 ივნისს, უახლოესი საათების განმავლობაში, 4 ივნისის ღამის ჩათვლით, შესაძლებელია ხანმოკლე წვიმა, ელჭექი, სეტყვა და ქარის გაძლიერება.

„დღეს 3 ივნისს, უახლოესი საათების განმავლობაში, 4 ივნისის ღამის ჩათვლით შიდა ქართლში, ქვემო ქართლში, კახეთში, კავკასიონის ქედის მთიან და მაღალმთიან რაიონებში ზოგან შესაძლებელია ხანმოკლე წვიმა, ელჭექი, სეტყვა და ქარის გაძლიერება.

მოსალოდნელმა ნალექებმა შესაძლებელია საქართველოს გორაკ-ბორცვიან და მთიან ზონებში მეწყრულ- ღვარცოფული პროცესების ჩასახვა- გააქტიურება გამოიწვიოს. (საფრთხის დონე დაბალი)“,- წერია ინფორმაციაში.