უკრაინის უსაფრთხოების სამსახურმა დააკავა პირები, რომლებიც უზენაესი რადის შენობაში შეჭრასა და ქვეყანაში ხელისუფლების შეცვლას გეგმავდნენ.

უწყებაში განმარტავენ, რომ დაკავებულები, აპირებდნენ გამოეცხადებინათ უკრაინის სამხედრო-პოლიტიკური ხელმძღვანელობის ძალაუფლებიდან ჩამოშორების შესახებ და საკანონმდებლო ორგანოს მუშაობა დაებლოკათ.

სამართალდამცველების ცნობით, დაჯგუფებას მეთაურობდა ერთ-ერთი ორგანიზაციის ხელმძღვანელი, რომელიც 2015 წლიდან ანტიუკრაინული აქციებით არის ცნობილი. ჰქონდათ თუ არა დაკავებულებს კავშირი მოსკოვთან, უკრაინის უსაფრთხოების სამსახურში არ აკონკრეტებენ.