ვინც მოვლენებს ადევნებს თვალს, ეს არის რუსეთის ჩარევა საქართველოში. მოვუწოდებთ ხალხს, წინააღმდეგობა გაუწიოს რუსეთის გავლენას, – ამის შესახებ დიდი ბრიტანეთის თავდაცვის მინისტრმა, გრანტ შაპსმა „სქაი ნიუსის“ ეთერში განაცხადა.
ჟურნალისტის კითხვაზე, რა იქნება დიდი ბრიტანეთის პასუხი, თუ საქართველოს პარლამენტი „აგენტების კანონს“ დაამტკიცებს, მინისტრმა შემდეგი პასუხი გასცა:
„ვინც ამ მოვლენებს ადევნებს თვალს, ეს არის რუსეთის ჩარევა საქართველოში. ჩვენ ვნახეთ, როდესაც რუსეთი უფრო აგრესიულად შეიჭრა უკრაინაში. პუტინს არ შეუძლია, არ ჩაერიოს სხვა ქვეყნების საქმეებში, ზოგჯერ ეს ხდება სამხედრო გზით, ზოგჯერ კი გავლენის გამოყენებით. ეს არ არის კარგი მსოფლიოსთვის, არ არის კარგი თავისუფლებისა და დემოკრატიისთვის. დიდი ბრიტანეთი გმობს ამ გავლენას, მოვუწოდებთ ხალხს, წინააღმდეგობა გაუწიოს ამ გავლენას, რომელიც რუსეთიდან მოდის. ჩემი აზრით, ისინი ასე უნდა მოიქცნენ, რადგანაც პუტინმა აჩვენა, არამხოლოდ საქართველოს, რომ არ არის კარგი მსოფლიოსთვის და მეზობლებისთვის“.
'Putin cannot help by meddle...we do condemn that influence and we do encourage people to resist that influence from Russia'
— Sky News (@SkyNews) May 14, 2024
Defence Secretary @grantshapps on the protests in Georgia against a proposed law threatening press and civic freedoms.https://t.co/SdRRYJip5C
📺Sky 501 pic.twitter.com/ttYubBIlVJ
