საქართველოს სასარგებლოდ სახელმწიფო ღალატის ბრალდებით, აფხაზეთში კახა მურადოვი დააკავეს. ჩხრეკისას აღმოაჩინეს ტექნიკური საშუალებები, რაც ჯაშუშურ საქმიანობას უკავშირდება, - ნათქვამია დე-ფაქტო უშიშროების სამინისტროს პრეს-სამსახურის განცხადებაში.

გამოძიების თანახმად, მურადოვი აგროვებდა და გადასცემდა საქართველოს სპეცსამსახურებს ინფორმაციებს, აფხაზეთის უსაფრთხოების საზიანოდ.

განცხადებაში ასევე ნათქვამია, რომ მურადოვს კავშირი ჰქონდა საქართველოს უმაღლესი საბჭოს გაგრის ბატალიონის ყოფილ მეთაურებთან, მხედრიონთან და „ქართულ ლეგიონთან“, რომლის წევრებიც უკრაინაში უკრაინის მხარეს იბრძვიან. დაკავებულის თქმით, მას დავალებებს საქართველოს უსაფრთხოების სამსახურის თანამშრომელი ლაშა კაკუბავა აძლევდა.