მთავარეპისკოპოსი ზენონ იარაჯული სოციალურ ქსელში სტატუსს აქვეყნებს და წერს, რომ მიმდინარე მოვლენების გათვალისწინებით, საქართველოს საპატრიარქოს საგარეო საქმეთა დეპარტამენტს სამომავლოდ ალბათ მოუწევს შესაბამისი ქვეგანყოფილებების შექმნა.
მთავარეპისკოპოსი ეპისკოპატს მიმართავს და ეკითხება, თუ ხვდებიან რომ ქვეყნის თავს საბედისწერო პროცესები ხდება.
„როგორც სჩანს,საქართველოსთვის იკვეთება თავსმოხვეული გეო- პოლიტიკური კონტური: თბილისი- მოსკოვი- თეირანი- დამასკო- პეკინი-ფხენიანი, ჰესბოლა- თალიბანი. „ ახალი საქართველოს” პერსპექტიულ მოკავშირეთა გათვალისწინებით, საქართველოს საპატრიარქოს საგარეო საქმეთა დეპარტამენტს სამომავლოდ მოუწევს ალბათ შესაბამისი ქვეგანყოფილებების შექმნა.
ეპისკოპატს მინდა მივმართო:
სრულიად მართლმადიდებელთა კრეტის დიდი კრება, ზოგიერთი თქვენგანის მიერ „ამერიკულ პროექტად” სახელდებული, თუ ანტიქრისტესთან „მიგაახლებდათ”, როგორც ზოგიერთი თქვენგანი დაბეჯითებით ირწმუნებოდით, აწი რასთან მიაახლებს საქართველოს ეკლესიას საბედისწერო პროცესი, რაც ქვეყნის თავს ხდება. ან ფიქრობთ, რომ სამომავლოდ საქართველოს საზღვრებს მიღმა ეპარქიები შენარჩუნებული იქნება? თუ ვხვდებით სად მივდივართ?“, - წერს მთავარეპისკოპოსი.
მთავარეპისკოპისის მიმართვა ეპისკოპატს: აწი რასთან მიაახლებს საქართველოს ეკლესიას ის საბედისწერო პროცესი, რაც ქვეყნის თავს ხდება
