"მარად და ყველგან, საქართველოვ მე ვარ შენთანა" - ამ ლოზუნგით ფილარმონიასთან ,,აგენტების შესახებ" კანონის საწინააღმდეგო და საქართველოს დამოუკიდებლობის აღსანიშნავ მარშს მოქალაქეები უერთდებიან. როგორც ცნობილია მარშს სტუდენტებთან ერთად, აბიტურიენტებიც შეუერთდნენ.
ისინი გეგმავენ, რომ ჭავჭავაძის გამზირის გავლით, მარშით ვაკის პარკში გადაინაცვლონ. აქციის მონაწილეებს აქვთ საქართველოსა და ევროკავშირის დროშები.
საპროტესტო აქციასა და მარშში მონაწილეობას მიიღებენ სამოქალაქო და არასამთავრობო ორგანიზაციები, პროფესორ-მასწავლებლები და სხვადასხვა სფეროს წარმომადგენლები.
„მარად და ყველგან, საქართველოვ მე ვარ შენთანა“ - ამ ლოზუნგით ფილარმონიასთან მოქალაქეები იკრიბებიან
