ევროკავშირის მიზანი სამხრეთ კავკასიაში მყარი მშვიდობის დამყარებაა, – ამის შესახებ საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა, ჯოზეფ ბორელმა სომხეთის საგარეო საქმეთა მინისტრ არარატ მირზოიანთან გამართული მოლაპარაკებების შემდეგ სოციალურ ქსელში დაწერა.
მისი თქმით, მან დაადასტურა სომხეთ-აზერბაიჯანის ურთიერთობების დარეგულირების პროცესის მხარდაჭერა.
„გვქონდა აზრთა ეფექტური გაცვლა არარატ მირზოიანთან ჩვენი დატვირთული ორმხრივი დღის წესრიგის შესახებ, ასევე სომხეთის სტაბილურობის მხარდაჭერისა და სომხეთ-ევროკავშირის პარტნიორობის ახალ პროგრამაზე. რაც შეეხება რეგიონულ საკითხებს, მე დავადასტურე სომხეთ-აზერბაიჯანის ურთიერთობების დარეგულირების პროცესის მხარდაჭერა. ჩვენი საერთო მიზანია მყარი მშვიდობა სამხრეთ კავკასიაში“, – განაცხადა ჟოზეფ ბორელმა.
Fruitful exchange w/ @AraratMirzoyan on our intensive bilateral agenda, support to Armenia’s resilience & new EU Armenia Partnership Agenda.
— Josep Borrell Fontelles (@JosepBorrellF) May 26, 2024
On regional issues, I reiterated support to AM-AZ normalisation process: our common objective is sustainable peace in the South Caucasus.
