გამიხარდებოდა, რომ თქვენ არ დაგეძლიათ ვეტო და ეს კანონი არ ამოქმედდეს, მაგრამ ისე დაიჟინეთ ეს კონკრეტული დავალება, რომელიც გაქვთ კრემლიდან, რომ აბსოლუტურად ყველაფერზე მიდიხართ. ძალიან ვღელავ თქვენ გამო, იმიტომ, რომ ვერ აცნობიერებთ იმ პრობლემებს, რომელიც თქვენ გექმნებათ, ექმნება თქვენ გარშემო ადამიანებს და ამ დღეების განმავლობაში, 45-50 დღეა ყველა ზღვარს გადახვედით", - ამის შესახებ ფრაქცია „ნაციონალური მოძრაობის" წევრმა ლევან ხაბეიშვილმა პლენარულ სხდომაზე განაცხადა, სადაც პარლამენტი „აგენტების შესახებ" კანონზე პრეზიდენტის ვეტოს დაძლევაზე მსჯელობს.
მისი თქმით, ამ კანონით მმართველი გუნდი ევროკავშირზე უარს ამბობს.
„დაგავიწყდათ, რომ საქართველოს ტერიტორიები ოკუპირებულია? დაგავიწყდათ, რომ ჩვენ მთავარ მტერს, პუტინს ერთი სული აქვს საქართველო გადააქციოს რუსეთის გუბერნიად და თქვენ მას ხელს უწყობთ ამ კანონით. ამით უარს ამბობთ ევროკავშირზე, კარებში ეჩხირებით ქართველ ხალხსა და ევროკავშირს შორის, რომლითაც მილიონობით დოლარის ზარალს მიაყენებთ საქართველოს მოქალაქეებს. ამიტომ ძალიან გამიხარდება თუ ვეტოს არ დაძლევთ და ქართველ ხალხს არჩევნებზე მისცემთ შესაძლებლობას, გადაწყვიტოს საქართველოს სახელმწიფოს ბედი", - განაცხადა ლევან ხაბეიშვილმა.
ლევან ხაბეიშვილი ,,ოცნებას": ისე დაიჟინეთ ეს კონკრეტული დავალება, რომელიც გაქვთ კრემლიდან, რომ აბსოლუტურად ყველაფერზე მიდიხართ
