საზოგადოებრივი მოძრაობის, „საქართველო უპირველეს ყოვლისა“ დამფუძნებელი, ვატო შაქარიშვილი აშშ-ის კონგრესში, სადაც საქართველოს თემაზე სპეციალური განხილვა მიმდინარეობდა, ნატალია საბანაძის და ვანო ჩხიკვაძის სიტყვით გამოსვლას ეხმიანება და წერს, რომ „კონგრესში საბჭოთა სტილის სასამართლო მოეწყო, სადაც „მოწმეებს“ საკუთარი ქვეყანა ცალმხრივად დააბეზრებინეს“.
მისი თქმით, აშშ-ზე დღევანდელი საცირკო წარმოდგენა ყველაზე კარგად მეტყველებს.
„ღალატი პირდაპირ ეთერში! ასეთი რამ ალბათ არავის, არასდროს უნახავს! უცხო ქვეყნის საკანონმდებლო ორგანოში მოწმის სახით სხედან და საკუთარ ქვეყანას უყენებენ უსამართლო, წარმოუდგენლად აბსურდულ ბრალდებებს!
ამერიკულმა „ტროიკამ“ საბჭოთა სტილის სასამართლო მოაწყო, მიიყვანეს „მოწმეები“ და ცალმხრივად დააბეზღებინეს საქართველო!!! ისტორიის სახელმძღვანელოში შევა ამ ადამიანების სახელები და გვარები – ნატალია საბანაძე და ვანო ჩხიკვაძე…
აშშ-ზე, აღარაფერს ვიტყვი… ამ მომაკვდავი იმპერიის მდგომარეობაზე, დღევანდელი საცირკო წარმოდგენა ყველაზე კარგად მეტყველებს!!!
შალვა ნათელაშვილის წერილის დიდი სიამაყით აფრიალება, საბოლოო განაჩენი იყო!
ეს ყველაფერი ტრაგიკული უფრო იყო თუ კომიკური მარტივად ვერ იტყვი…“, – წერს შაქარიშვილი სოციალურ ქსელში.
შაქარიშვილი: ამერიკულმა „ტროიკამ“ საბჭოთა სტილის სასამართლო მოაწყო, მიიყვანეს „მოწმეები“ და ცალმხრივად დააბეზღებინეს საქართველო!
