პარლამენტის თავმჯდომარის, შალვა პაპუაშვილის განცხადებით, ევროკავშირის გადაწყვეტილებები დამსახურებაზე დაფუძნებული რომ ყოფილიყო, საქართველოსთან ევროკავშირში გაწევრიანების მოლაპარაკებები უკვე გახსნილი იქნებოდა.
როგორც პაპუაშვილი X-ზე წერს, 2024 წლის თავისუფლების ინდექსით, საქართველო ევროკავშირის ყველა კანდიდატ ქვეყანას უსწრებს.
,,2024 წლის თავისუფლების ინდექსი კიდევ ერთხელ აღნიშნავს საქართველოს მიღწევებს მრავალი მიმართულებით. ინდექსის მიხედვით, საქართველო უსწრებს ევროკავშირის ყველა კანდიდატ ქვეყანას, ნატო-ს წევრ 6 ქვეყანას და ევროკავშირის 2 წევრ ქვეყანას. ეს ყოვლისმომცველი ინდექსი აფასებს 164 ქვეყანას სხვადასხვა კრიტერიუმებით, როგორებიცაა, სამოქალაქო თავისუფლებები, პოლიტიკური უფლებები, სასამართლოს დამოუკიდებლობა, სამართლიანი არჩევნები და უსაფრთხოება. ეს მონაცემები კიდევ ერთხელ ადასტურებს, რომ ევროკავშირის გადაწყვეტილებები დამსახურებაზე დაფუძნებული რომ ყოფილიყო, საქართველოსთან უკვე გახსნილი იქნებოდა ევროკავშირში გაწევრიანების მოლაპარაკებები", - წერს პაპუაშვილი.
Georgia is ranked above all EU candidate countries, 6 NATO member countries, and 2 EU member countries in the 2024 Freedom Index. This comprehensive index evaluates 164 countries on criteria such as civil liberties, political rights, judicial independence, fair elections, and… pic.twitter.com/P9G29DLOD6
— Shalva Papuashvili 🇬🇪 (@shpapuashvili) June 8, 2024
