მედიის ინფორმაციით, რუსეთში ტრაქტორის ქარხანასა და მეტალურგიულ კომბინატზე დრონებით თავდასხმა მოხდა.

ადგილობრივებმა განაცხადეს, რომ ტრაქტორის ქარხანაში აფეთქებები და კვამლი იყო, რამაც რეგიონში საჰაერო განგაშის გამოცხადება გამოიწვია.

ამასთან, ლიპეცკის ოლქის გუბერნატორის, იგორ არტამონოვის განცხადებით, რუსეთის საჰაერო თავდაცვის სისტემამ სავარაუდოდ ჩამოაგდო ოთხი უპილოტო საფრენი აპარატი ლიპეცკის ინდუსტრიულ ზონაში. მისივე თქმით, ნამსხვრევების ადგილზე სპეცსამსახურების თანამშრომლები მუშაობენ. ასევე, ვარაუდობენ, რომ მსხვერპლი არ არის.

ლიპეცკის ტრაქტორის ქარხანა არის თავდაცვის საწარმო, რომელიც არის S-300B, S-300VM და Antey 2500 საზენიტო სარაკეტო სისტემებისთვის მოდერნიზებული თვითმავალი ტრაქტორების მწარმოებელი.

მეტალურგიული ქარხანა კი არის ყველაზე დიდი ფოლადის ქარხანა რუსეთის ფედერაციაში.