პარლამენტში, ლგბტ უფლებების შემზღუდავ კანონპროექტს მხარი ოთხივე კომიტეტმა დაუჭირა. ეს კომიტეტებია: ადამიანის უფლებათა დაცვის, განათლების, დარგობრივი ეკონომიკისა და ჯანმრთელობის დაცვის.
კანონპროექტს 1-ლი მოსმენით დღეს, 20 ივნისს, წამყვან, იურიდიულ საკითხთა კომიტეტზეც განიხილავენ.
საკანონმდებლო პაკეტის ავტორი და ინიციატორები არიან პარლამენტის თავმჯდომარე შალვა პაპუაშვილი და უმრავლესობის წევრები: - მამუკა მდინარაძე, ანრი ოხანაშვილი, რატი იონათამიშვილი, მაკა ბოჭორიშვილი, დავით მათიკაშვილი, თენგიზ შარმანაშვილი, ირაკლი შატაკიშვილი და სოზარ სუბარი.
უმრავლესობის განმარტებით, კანონპროექტის ინიცირების მიზანი ქალისა და მამაკაცის კავშირზე დაფუძნებული ოჯახური ღირებულებებისა და არასრულწლოვანის დაცვის მექანიზმების გაძლიერებაა.
ლგბტ უფლებების შემზღუდავ კანონპროექტს პირველი მოსმენით მხარი პარლამენტის 4-მა კომიტეტმა დაუჭირა
