ევროკავშირის საბჭომ მინისტრების დონეზე უკრაინასა და მოლდოვის გაწევრიანებაზე მოლაპარაკებების დაწყებაზე შეთანხმებას მიაღწია. ინფორმაცია ევროკავშირის თავმჯდომარე ქვეყნის, ბელგიის წარმომადგენლობამ სოციალურ ქსელში გაავრცელა.
მოლაპარაკებების დაწყების თარიღთან დაკავშირებით გადაწყვეტილება ელჩების დონეზე, 14 ივნისს იყო მიღებული.
განცხადებაში ნათქვამია, რომ საბჭომ დაამტკიცა ევროკავშირის საერთო პოზიცია, მათ შორის მოლაპარაკებების ჩარჩო უკრაინასა და მოლდოვის გაწევრიანებასთან დაკავშირებით. ეს უხსნის გზას მოლაპარაკებების დაწყებას, რომელიც 25 ივნისს ლუქსემბურგში შედგება.
უკრაინის საკითხზე შეხვედრა 25 ივნისს, ადგილობრივი დროით, 15:30 საათზე, მოლდოვის საკითხზე კი 18:00 საათზე დაიწყება.
🇺🇦🇲🇩 The @EU_Council adopted the general EU positions, incl. negotiating frameworks, for accession negotiations with Ukraine and Moldova.
— Belgian Presidency of the Council of the EU 2024 (@EU2024BE) June 21, 2024
This opens the way for launching the negotiations on Tuesday 25 June in Luxembourg:
· 15:30 - IGC with Ukraine
· 18:00 - IGC with Moldova pic.twitter.com/A2c8bPpIgS
