საქართველოს საგარეო საქმეთა სამინისტროს განცხადებით, ირაკლი კოპლატაძის მიერ დღეს სოციალური ქსელში გავრცელებული ინფორმაცია, თანამდებობიდან წასვლის შესახებ, სიმართლეს არ შეესაბამება.

მათივე ცნობით, ირაკლი კოპლატაძემ სლოვენიის რესპუბლიკაში დიპლომატიური მისია 2023 წლის 3 დეკემბერს დაასრულა.

უწყების ინფორმაციით, მას შემდეგ,ის ექვს თვეზე მეტია იმყოფება საქართველოში, დიპლომატიურ რეზერვში.

„ირაკლი კოპლატაძემ სლოვენიის რესპუბლიკაში დიპლომატიური მისია დაასრულა 2023 წლის 3 დეკემბერს და მას შემდეგ, ექვს თვეზე მეტია, იმყოფება საქართველოში, დიპლომატიურ რეზერვში. შესაბამისად, მისი თანამდებობიდან წასვლის შესახებ გავრცელებული ინფორმაცია სიმართლეს არ შეესაბამება“, - ნათქვამია ინფორმაციაში.

სლოვენიაში საქართველოს უკვე ყოფილმა ელჩმა, ირაკლი კოპლატაძემ დიპლომატიური მისიის დასრულების შესახებ ვრცელი განცხადება საკუთარ ფეისბუქგვერდზე გამოაქვეყნა.