ირანის უზენაესმა სასამართლომ რეპერ თუმაჯ სალეჰის წინააღმდეგ გამოტანილი სასიკვდილო განაჩენი გააუქმა. ამის შესახებ ჟურნალისტებს რეპერის ადვოკატმა განუცხადა.

მისივე თქმით, განაჩენის გაუქმება ნიშნავს, რომ გამოუსწორებელი შეცდომა არ იქნება დაშვებული. ადვოკატის განცხადებით, გაუქმებულია კიდევ ერთი განაჩენი, რომლითაც სალეჰის 6 წლითა და 3 თვით პატიმრობა ჰქონდა მისჯილი - ამ საქმეს სასამართლო ხელახლა განიხილავს.

თუმაჯ სალეჰი 2022 წლის ოქტომბერში დააკავეს, როდესაც მან ირანში მიმდინარე საპროტესტო აქციებს დაუჭირა მხარი და ამ თემაზე რამდენიმე სიმღერაც ჩაწერა. სალეჰის „დედამიწაზე კორუფციის გავრცელება“ ედებოდა ბრალად. 2023 წელს სასამართლომ მას სასიკვდილო განაჩენი გამოუტანა.