საქართველომ გაიმარჯვა და ევროპის ჩემპიონატის მერვედფინალში გავედით. არ ვიცი, გულშემატკივარს მადლობა როგორ ვუთხრა, ისინი მუდამ ჩვენ უკან არიან, ჩვენ კი ყველაფერს ვაკეთებთ, რომ ისინი გავახაროთ, - ამის შესახებ საქართველოს ეროვნული ნაკრების თავდამსხმელმა, გიორგი მიქაუტაძემ პორტუგალიასთან გამარჯვების შემდეგ განაცხადა.

მისივე თქმით, საქართველოს ნაკრები ესპანეთის წინააღმდეგ თამაშზეც მაქსიმუმს გააკეთებს.

,,გაჩერებას არ ვაპირებთ, ევროპის ჩემპიონატი ახლა დაიწყო. ვიცით, რომ ჩვენი მომდევნო მეტოქე ესპანეთი იქნება და ყველაფერი უნდა გავაკეთოთ, რომ შემდეგ ეტაპზე გავიდეთ“, – განაცხადა მიქაუტაძემ.

ევროპის ჩემპიონატზე საქართველოს ნაკრებმა პორტუგალია 2-0 დაამარცხა და მერვედფინალში გავიდა. საქართველოსა და ესპანეთის ნაკრებების შეხვედრა 30 ივნისს კიოლნში ჩატარდება.