ისრაელის საგარეო საქმეთა მინისტრი, ისრაელ კაცი ირანის მუქარას X-ზე ეხმაურება. მინისტრი აცხადებს, რომ რეჟიმი, რომელიც განადგურებით იმუქრება, იმსახურებს, თავად განადგურდეს.
„ირანი ემუქრება ისრაელს განადგურებით, თუ ისრაელი უპასუხებს „ჰეზბოლას“ თავდასხმებს ლიბანიდან. ჩემი პასუხი ირანისთვის ნათელია – თუ „ჰეზბოლა“ არ შეწყვეტს ცეცხლს და არ დატოვებს სამხრეთ ლიბანს, ჩვენ მათ წინააღმდეგ მთელი ძალით ვიმოქმედებთ, ვიდრე უსაფრთხოება არ იქნება აღდგენილი და მცხოვრებლები არ დაუბრუნდებიან თავიანთ სახლებს“, – წერს ისრაელ კაცი.
მანამდე ირანმა განაცხადა, რომ ისრაელის მხრიდან „ჰეზბოლას“ წინააღმდეგ სრულმასშტაბიან სამხედრო აგრესიას გამანადგურებელი ომი მოჰყვება.
„მიუხედავად იმისა, რომ ირანი სიონისტური რეჟიმის პროპაგანდას ლიბანზე თავდასხმის განზრახვის შესახებ ფსიქოლოგიურ ომად მიიჩნევს, თუ იგი სრულმასშტაბიან სამხედრო აგრესიას განახორციელებს, გამანადგურებელი ომი დაიწყება“, - დაწერა გაერო-ში ირანის მუდმივმა წარმომადგენლობამ X-ზე.
Iran threatens today to destroy Israel if Israel fully responds to Hezbollah attacks from Lebanon.
— ישראל כ”ץ Israel Katz (@Israel_katz) June 29, 2024
My response to Iran is clear:
1. If Hezbollah does not cease its fire and withdraw from southern Lebanon, we will act against it with full force until security is restored and…
Albeit Iran deems as psychological warfare the Zionist regime’s propaganda about intending to attack Lebanon, should it embark on full-scale military aggression, an obliterating war will ensue. All options, incl. the full involvement of all Resistance Fronts, are on the table.
— I.R.IRAN Mission to UN, NY (@Iran_UN) June 28, 2024
