იტალიური გამოცემა La Stampa-ს მიერ გავრცელებული ინფორმაციით, ქართველი ფეხბურთელის, გიორგი ქოჩორაშვილის შეძენით ორი იტალიური კლუბი - „ტურინი“ და „ლაციო“ დაინტერესდა.
გამოცემის ცნობით, რომის „ლაციო“ ამ მომენტისთვის ნახევარმცველის ძიებაშია და სწორედ ქართველი ფეხბურთელით აპირებს ნახევარდაცვის გაძლიერებას.
„გუნდს 2024/2025 წლების სეზონში მარკო ბარონი გაწვრთნის. მიუხედავად იმისა, რომ გუნდის რიგებში ვეჩინო, გენდუზი, როველა და კატალდი ირიცხებიან, ახალი ფეხბურთელის დამატება მაინც განიხილება.
ჩვენი ცნობით, კლუბის ყურადღების ცენტრშია ნახევარმცველი, რომელიც ევროპის ჩემპიონატზე იღებდა მონაწილეობას. მისი სახელია გიორგი ქოჩორაშვილი, რომელიც „ლევანტეში“ ირიცხება.
თუმცა, ფეხბურთელის შეძენით ასევე დაინტერესებულია „ტორინო“. ვნახოთ, როგორ განვითარდება მოვლენები და გადაწყვეტს თუ არა „ლაციო“ ქოჩორაშვილის რომში ჩამოყვანას“, – წერს გამოცემა.
La Stampa: გიორგი ქოჩორაშვილის შეძენით „ტურინი“ და „ლაციო“ დაინტერესდნენ
