საქართველოს ეროვნული ნაკრების ფეხბურთელი, გიორგი მიქაუტაძე სოციალურ ქსელში ევროპის ჩემპიონატზე წერს და მხარდამჭერებს მადლობას უხდის.
მიქუტაძე წუხილს გამოხატავს იმის გამო, რომ საქართველოს ნაკრები EURO 2024-ს დაემშვიდობა, თუმცა იქვე დასძენს, რომ ამაყობს ამ საოცრად ერთიანი გუნდით.
„ჩვენ ვწუხვართ, რომ დავემშვიდობეთ EURO 2024-ს, თუმცა ვართ ამაყები და მადლიერები. ვამაყობთ იმით, რომ ჩვენს პირველ საერთაშორისო შეჯიბრში ამაყად ვაჩვენეთ ჩვენი ფერები ევროპას. ვამაყობთ ფართოდ გავრცელებული ენთუზიაზმით მთელ საქართველოში და მის ფარგლებს გარეთ. ვამაყობთ ამ საოცრად ერთიანი გუნდით და ჩვენი ფასდაუდებელი პერსონალით.
უთვალავი მადლობაც ვერ გამოხატავს ჩვენს მადლიერებას. თქვენ, მხარდამჭერები, იყავით ჩვენი უდიდესი ძალა. ვერ წარმოიდგენთ, რა პატივი იყო ჩვენთვის, რომ გაგვეხარებინეთ და ემოციები დაგვენახა თქვენს თვალებში“,- წერს მიქაუტაძე.
გიორგი მიქაუტაძე: ვერ წარმოიდგენთ, რა პატივი იყო ჩვენთვის, რომ გაგვეხარებინეთ და ემოციები დაგვენახა თქვენს თვალებში
