პრემიერ-მინისტრისა და პარლამენტის თავმჯდომარის წარდგინებით ღირსების ორდენზე წარდგენილნი იქნენ ნაკრების ის ფეხბურთელებიც, რომლებიც არ იყვნენ საკვალიფიკაციო მატჩების განაცხადში, მაგრამ ევროპის ჩემპიონატის განაცხადში მოხვდნენ, – აღნიშნულია მთავრობის ადმინისტრაციის ინფორმაციაში.
მათივე განმარტებით, ეს ფეხბურთელები არიან ჯიმი ტაბიძე, გაბრიელ სიგუა და საბა ლობჟანიძე.
„საქართველოს ნაკრების ღირსების ორდენით დაჯილდოების თაობაზე გადაწყვეტილება პრემიერ-მინისტრმა და პარლამენტის თავმჯდომარემ ერთობლივად მიიღეს. ნაკრებთან ერთად ღირსების ორდენით მთლიანად სამწვრთნელო შტაბი დაჯილდოვდება“, – აღნიშნულია ინფორმაციაში.
ღირსების ორდენზე ის ფეხბურთელებიც არიან წარდგენილნი, რომლებიც საკვალიფიკაციო მატჩების განაცხადში არ იყვნენ, მაგრამ ევროპის ჩემპიონატის განაცხადში მოხვდნენ
