ჯო ბაიდენი აცხადებს, რომ საპრეზიდენტო რბოლიდან გასვლას არ აპირებს და მეორე ვადით არჩევისთვის ბოლომდე იბრძოლებს.

„ბიბისის“ ინფორმაციით, ამის შესახებ ბაიდენმა ვიცე-პრეზიდენტ კამალა ჰარისთან დახურულ კარს მიღმა გამართულ შეხვედრაზე განაცხადა.

აღსანიშნავია, რომ ტრამპთან წარუმატებელი დებატების შემდეგ გააქტიურდა დისკუსიები ბაიდენის მიერ კანდიდატურის მოხსნის აუცილებლობაზე, თუმცა კამალა ჰარისთან შეხვედრის შემდეგ ბაიდენი დაუკავშირდა დემოკრატიული პარტიის სხვა ლიდერებს და განუცხადა, რომ კანდიდატურის მოხსნას არ აპირებს.