მექსიკაში ქარიშხალ „ბერილის“ მოახლოების გამო, საფრთხის წითელი დონეა გამოცხადებული. ამის შესახებ BBC წერს.

მეტეოროლოგები შიშობენ, რომ „ბერილი“ კარიბის ზღვის კუნძულებზე სერიოზულ ნგრევას გამოიწვევს.

ამჟამად ქარის მაქსიმალური სიჩქარე 185 კილომეტრ/საათს შეადგენს, „ბერილი“ ნახევარკუნძულ იუკატანის აღმოსავლეთ სანაპიროს უახლოვდება. გასულ 24 საათში კანკუნის საერთაშორისო აეროპორტიდან 100-ზე მეტი რეისი გაუქმდა.

ქარიშხლით მიყენებულ ზიანს უკვე ითვლიან სხვა ქვეყნებში. იამაიკაში, გრენადაში და ვენესუელის ჩრდილოეთ ნაწილში „ბერილს“ უკვე 11 ადამიანი ემსხვერპლა.