რუსეთის პრეზიდენტმა ვლადიმირ პუტინმა 20 მაისს ხელი მოაწერა „გარკვეული კატეგორიის მოქალაქეთა რუსეთიდან გასვლის შესახებ“ ახალ რეგულაციებს. შეზღუდვები დაუწესდათ ფედერაციის საბჭოს, სახელმწიფო დუმის და რეგიონული წარმომადგენლობითი ორგანოების წევრებს, თანამდებობის პირებს, რომელთა სახელმწიფო საიდუმლოზე აქვთ დაშვება.
კანონი ამ შეზღუდვების შესახებ 2023 წელს დამტკიცდა. პუტინმა კი მხოლოდ ახლა დაამტკიცა წესები, თუ როგორ უნდა მოხდეს ფედერალური უშიშროებისა და საგარეო დაზვერვის სამსახურების ინფორმირება.
ახალი წესების თანახმად, თანამდებობის პირებს უცხოეთში ვიზიტამდე 30 დღით ადრე მოუწევთ სახელმწიფო ორგანოების გაფრთხილება, სასწრაფო წესით გამგზავრების შემთხვევაში კი ინფორმაცია დაუყოვნებლივ უნდა გადააგზავნონ.
წესების დარღვევის შემთხვევაში, ქმედება შეფასდება, როგორც საიდუმლო ინფორმაციებთან მუშაობის რეჟიმის დარღვევა და ქმედების ჩამდენს შეეზღუდება მასთან წვდომა.
Депутаты, сенаторы и некоторые адвокаты должны будут сообщать ФСБ и СВР о поездках за границу
— bbcrussian (@bbcrussian) May 21, 2024
Российский президент Владимир Путин 20 мая своим указом утвердил положение «о порядке предварительного уведомления» Федеральной службы безопасности и Службы внешней разведки «отдельными…
