რუსული ძალები ხარკოვის ერთ-ერთ რაიონში სამშენებლო ჰიპერმარკეტს დაესხნენ თავს. ხანძრის ამსახველ ვიდეოკადრებს უკრაინის პრეზიდენტი, ვოლოდიმირ ზელენსკი სოციალურ ქსელში ავრცელებს და წერს, რომ წინასწარი მონაცემებით, თავდასხმის დროს, ობიექტში 200-ზე მეტი ადამიანი იმყოფებოდა. დაბომბვის შედეგად გაჩენილი ცეცხლი 10000 კვ.მ. ფართობზე გავრცელდა.
პრეზიდენტის ინფორმაციით, ადგილზე მობილიზებულია ყველა შესაბამისი სამსახური, რომლებიც ადამიანების გადარჩენასა და ხანძრის ჩაქრობას ცდილობენ.
წინასწარი მონაცემებით, არიან დაღუპულები და დაშავებულები.
,,მივმართავთ ყველა სახელმწიფოს ყველა ლიდერს, ჩვენ გვჭირდება საჰაერო თავდაცვის მნიშვნელოვანი გაძლიერება და საკმარისი შესაძლებლობები რუსი ტერორისტების გასანადგურებლად. მოგვეცით საჰაერო თავდაცვა, გადაარჩინეთ ხალხი",- წერს ზელენსკი.
რუსები ხარკოვში ჰიპერმარკეტს დაესხნენ თავს - შენობაში 200-ზე მეტი ადამიანი იმყოფებოდა, სავარაუდოდ არის მსხვერპლი
