სენატორი ჯინ შაჰინი საქართველოს პარლამენტის მიერ „აგენტების კანონზე“ პრეზიდენტის ვეტოს დაძლევას სოციალურ ქსელში ეხმიანება.
როგორც სენატორი აღნიშნავს, სენატში დარეგისტრირებული „ქართველი ხალხის აქტი“ უზრუნველყოფს ანგარიშვალდებულებას მათთვის, ვინც საფრთხეს უქმნის საქართველოს დემოკრატიას.
„იმედგაცრუებული ვარ, მაგრამ არა გაკვირვებული „ქართული ოცნების“ გადაწყვეტილებით, გადალახოს პრეზიდენტის ვეტო უცხოური აგენტების შესახებ კანონზე. ჩემი „ქართველი ხალხის აქტი“ უზრუნველყოფს ანგარიშვალდებულებას მათთვის, ვინც საფრთხეს უქმნის საქართველოს დემოკრატიას და უგულებელყოფს ქართველი ხალხის აბსოლუტურ სურვილებს“, - აცხადებს შაჰინი.
პარლამენტმა პლენარულ სხდომაზე„აგენტების კანონზე“ პრეზიდენტის ვეტო დაძლია. ვეტოს დაძლევას „ქართული ოცნების“ 84-მა დეპუტატმა დაუჭირა მხარი.
Disappointed but not surprised by Georgia Dream’s decision to override the President’s veto on the foreign agent’s law.
— Sen. Jeanne Shaheen (@SenatorShaheen) May 28, 2024
My Georgian People’s Act would ensure accountability for those endangering democracy in Georgia and ignoring the overwhelming wishes of the Georgian people. https://t.co/QTycxQUbYt
