ნიდერლანდების საგარეო საქმეთა მინისტრი, ჰანკე ბრუინს სლოტი საქართველოს პარლამენტის მიერ „აგენტების კანონზე“ პრეზიდენტის ვეტოს დაძლევას სოციალურ ქსელში ეხმიანება.
როგორც ის სოციალურ ქსელ X-ზე წერს, კანონი არ შეესაბამება ევროკავშირის სტანდარტებს, რაც მკაფიოდ არის მითითებული ვენეციის კომისიის მოსაზრებაში.
„პარლამენტის გადაწყვეტილება, დაძლიოს პრეზიდენტის ვეტო „უცხოური გავლენების“ კანონზე საკმაოდ სამწუხარო ნაბიჯია. კანონი არ შეესაბამება ევროკავშირის სტანდარტებს, რაც მკაფიოდ არის მითითებული ვენეციის კომისიის მოსაზრებაში. როგორც EU, ჩვენც განვიხილავთ ყველა ვარიანტს რეაგირებისთვის მიმდინარე მოვლენებზე“,- წერს ჰანკე ბრუინს სლოტი.
პარლამენტმა პლენარულ სხდომაზე„აგენტების კანონზე“ პრეზიდენტის ვეტო დაძლია. ვეტოს დაძლევას „ქართული ოცნების“ 84-მა დეპუტატმა დაუჭირა მხარი.
Zeer spijtig besluit van het Georgische parlement om het presidentiële veto over de 'Foreign Influence' wet terzijde te schuiven. Deze wet druist in tegen EU-standaarden, stelt ook @VeniceComm. Als EU bespreken we alle opties in reactie op deze ontwikkelingen.
— Hanke Bruins Slot (@HankeBruinsSlot) May 28, 2024
