გერმანიის საგარეო საქმეთა მინისტრი, ანალენა ბერბოკი X-ზე საქართველოს პარლამენტის მიერ „აგენტების კანონზე“ პრეზიდენტის ვეტოს დაძლევას ეხმაურება და წერს, რომ ხელისუფლება უგულებელყოფს ხალხის უმრავლესობის სურვილს და აშორებს ქვეყანას ევროპას.
„საქართველოს ხელისუფლება ამჯერადაც უგულებელყოფს ხალხის უმრავლესობის სურვილს, რომლებიც ყოველდღიურად გადიან ქუჩებში ევროპული მომავლისთვის და აშორებს ქვეყანას ევროპას. კურსის შეცვლა არასდროს არის გვიანი“,- წერს ანალენა ბერბოკი.
პარლამენტმა პლენარულ სხდომაზე„აგენტების კანონზე“ პრეზიდენტის ვეტო დაძლია. ვეტოს დაძლევას „ქართული ოცნების“ 84-მა დეპუტატმა დაუჭირა მხარი.
#Georgien|s Regierung wischt den Wunsch der übergroßen Mehrheit, die tagein, tagaus für eine Zukunft in Europa auf die Straße geht, erneut beiseite. Und führt das Land weg von Europa. Es ist nie zu spät, den Kurs noch zu ändern.
— Außenministerin Annalena Baerbock (@ABaerbock) May 28, 2024
