პოლონეთის თავდაცვის მინისტრის მოადგილის, ცეზარი ტომჩიკის თქმით, პოლონეთი არ არის თანახმა, საკუთარ ტერიტორიაზე განთავსებული „პეტრიოტის“ სისტემები უკრაინას გადასცეს.
როგორც მან სოციალურ ქსელში დაწერა, „პოლონეთის „პეტრიოტები“ იცავენ პოლონეთის ცას და ეს არ შეიცვლება.
ამერიკული „პეტრიოტების“ ბატარეა ამჟამად პოლონეთშია განლაგებული. „ნიუ იორკ თაიმსმა“ გაავრცელა ინფორმაცია, რომ პოლონეთში დისლოცირებული ამერიკული „პეტრიოტის“ სისტემის უკრაინაში გაგზავნაზე მსჯელობენ. გამოცემა „ნიუ იორკ თაიმსს“ არ დაუკონკრეტებია, საუბარია მთელი ბატარეის, რვა გამშვები რადარებითა და სხვა აღჭურვილობით გადაცემაზე, თუ მხოლოდ მის ცალკეულ ელემენტებზე.
Na miejsce baterii amerykańskiej trafi bateria z innej części świata. Polska nie zgodziła się na przekazanie polskiej baterii. Polskie patrioty bronią polskiego nieba i to się nie zmieni. https://t.co/ppQ5wS2Ubs
— Cezary Tomczyk (@CTomczyk) June 13, 2024
