საქართველოს პრეზიდენტი სალომე ზურაბიშვილი უკრაინისა და მოლდოვას გაწევრიანების შესახებ მოლაპარაკებების ჩარჩოს შეთანხმებას X-ზე ეხმიანება.
პრეზიდენტი დარწმუნებულია, რომ ევროკავშირში გაწევრიანების გზას მალე საქართველოც შეუერთდება.
,,ვულოცავ უკრაინას და მოლდოვას ამ ეტაპს ევროკავშირში ინტეგრაციის გზაზე! გულწრფელი მილოცვა პრეზიდენტ ზელენსკის და პრეზიდენტ მაია სანდუს ამ მნიშვნელოვანი მიღწევის გამო. დარწმუნებული ვარ, ევროპელი ქართველი ერი მალე შემოუერთდება თქვენს რიგებს",- წერს საქართველოს პრეზიდენტი.
ევროკავშირის წევრი ქვეყნების ელჩებმა უკრაინისთვისა და მოლდოვისთვის გაწევრიანების შესახებ მოლაპარაკებების ჩარჩოები შეათანხმეს. შემდეგი ეტაპია სამთავრობოთაშორისო კონფერენცია, რომელიც 25 ივნისს გაიმართება და რომელზეც ოფიციალურად დაიწყება გაწევრიანების შესახებ მოლაპარაკებები.
Congratulations to 🇺🇦 and 🇲🇩 on this milestone in your EU integration journey!
— Salome Zourabichvili (@Zourabichvili_S) June 15, 2024
Sincere congratulations to President @ZelenskyyUa and President @sandumaiamd on this significant achievement
I am confident the European Georgian nation will join your ranks soon 🇪🇺🇬🇪🇺🇦🇲🇩 https://t.co/0pPzZBzsiM
