მთელი გულით ვულოცავთ საქართველოს ეროვნულ ნაკრებს ისტორიული მომენტის შექმნას, - ასე ეხმიანება საქართველოში ესტონეთის საელჩო ევროპის ფეხბურთის ჩემპიონატზე საქართველოს ნაკრების სადებიუტო ასპარეზობას.

„მათი შესანიშნავი თამაში და თავდადება მაგალითია სხვა პატარა ქვეყნებისთვის, რომ ყველაფერი შესაძლებელია! მადლობა ბიჭებს“, - წერს საელჩო Facebook-ზე.



საქართველოს ეროვნულმა საფეხბურთო ნაკრებმა ევროპის ჩემპიონატში ასპარეზობა მერვედფინალურ ეტაპზე დაასრულა. ანგარიში ესპანელების სასარგებლოდ 4:1 დაფიქსირდა.