ესტონეთის საგარეო საქმეთა მინისტრი, მარგუს ცაჰკნა უნგრეთის პრემიერ-მინისტრის, ვიქტორ ორბანის მოსკოვში შესაძლო ვიზიტს ეხმაურება და წერს, რომ ორბანი არ წარმოადგენს ევროკავშირს და არც ევროკავშირის სახელით განხილვის მანდატი აქვს.
„სიტყვები არ მყოფნის, რომ გამოვხატო ჩემი იმედგაცრუება და უკმაყოფილება ორბანის პუტინთან შეხვედრის გეგმის მიმართ. ორბანი არ წარმოადგენს ევროკავშირს და არც ევროკავშირის სახელით განხილვის მანდატი აქვს. ეს შეხვედრა არ შეესაბამებოდა ევროპული საბჭოს თავმჯდომარე ქვეყნის მოვალეობებს. ჩვენ ვდგავართ უკრაინის გვერდით“, – წერს ცაჰკნა.
მედიაში გავრცელებული ინფორმაციით, უნგრეთის პრემიერ-მინისტრი ვიქტორ ორბანი ხვალ მოსკოვში ჩავა. მედიის ცნობით, მასთან ერთად რუსეთის დედაქალაქში ჩავა უნგრეთის საგარეო საქმეთა მინისტრი პიტერ სიიარტოც.
No words to express my disappointment & disapproval of Orban’s plan to meet Putin.
— Margus Tsahkna (@Tsahkna) July 4, 2024
❌Orban does not represent the European Union nor has he the mandate to discuss on behalf of the EU.
❌This meeting would not be in line with the duties of the EU Presidency.
We #StandwithUkraine
