ბელგია საქართველოს პარლამენტის მიერ „აგენტების კანონის“ მიღების გამო ღრმა მწუხარებას გამოთქვამს, - ამის შესახებ ბელგიის საგარეო საქმეთა, ევროპის საქმეთა, საგარეო ვაჭრობის და ფედერალური კულტურული ინსტიტუტების მინისტრი, ჰაჯა ლაბიბი სოციალურ ქსელ X-ზე წერს.

ჰაჯა ლაბიბი საქართველოს ხელისუფლებას მოუწოდებს, ამ ინიციატივას გადახედოს და ევროკავშირის მიმართ თავისი ვალდებულებები შეინარჩუნოს.

„ჩვენ მხარს ვუჭერთ ქართველ ხალხს და მათ არჩევანს დემოკრატიის, ადამიანის უფლებების დაცვისა და კანონის უზენაესობის სასარგებლოდ. ქართველები ევროპული მომავლისკენ ისწრაფვიან. მათი ხმის მოსმენა აუცილებლად უნდა მოხდეს“, - წერს ჰაჯა ლაბიბი.

Belgium strongly regrets the adoption by the Georgian Parliament of the law on ‘foreign influence’, which distances the country from European values.

Statement 🇧🇪⬇️ pic.twitter.com/f5qFAmih4I

— Hadja Lahbib (@hadjalahbib) May 15, 2024