პარტია „საქართველოსთვის" წევრმა ანა ბუჩუკურმა განაცხადა, რომ ოპოზიციური პარტიების გაერთიანება არ ნიშნავს ერთიანი საარჩევნო სიის შექმნას. მისი თქმით, ვინც ასე აიგივებს ოპოზიციის ერთიანობასა და ერთიან სიას, ან უვიცია ან განზრახ ცდილობს საზოგადოების შეცდომაში შეყვანას.

ბუჩუკურის განმარტებით, ოპოზიციის კოორდინირებული მოქმედება მნიშვნელოვანია, როდესაც საფრთხის ქვეშ დგას ქვეყნის ევროპული მომავალი.

„კოორდინაცია და ერთიანობა აუცილებელია არჩევნების დასაცავად და იმის გადასატანად, რასაც გვეუბნებიან, განსაკუთრებით თბილისის ქუჩებში ახალგაზრდები. მაგრამ ოპოზიციის ერთიანობა არ ნიშნავს ერთიანი სიის შექმნას. ვინც ასე აყალბებს და ერთმანეთს აიგივებს, ან არ ერკვევა საკითხში, ან განზრახ ცდილობს შეცდომაში შეყვანას," - განაცხადა ბუჩუკურმა.