ირლანდიის პრემიერ-მინისტრის, საიმონ ჰარისის განცხადებით, სამი ევროპული სახელმწიფოს - ირლანდიის, ნორვეგიისა და ესპანეთის მეთაურები შეთანხმდნენ, რომ სახელმწიფოებრივ დონეზე წამოიწყონ შესაბამისი იურიდიული პროცედურები პალესტინის დამოუკიდებელ სახელმწიფოდ აღიარებაზე.
ესპანეთის პრემიერ-მინისტრია, პედრო სანჩესის თქმით, ოფიციალური მადრიდის ანალოგიური გადაწყვეტილება 28 მაისს შევა ძალაში.
ნორვეგიის გადაწყვეტილება პალესტინის აღიარებაზე ძალაში დღეს შევიდა. „გადაწყვეტილება ორი სახელმწიფოს შესახებ მშვიდობის დამყარების ერთადერთი გზაა როგორც ისრაელის, ისე პალესტინისთვის,“ - განაცხადა ნორვეგიის საგარეო საქმეთა მინისტრმა, ესპენ ბარტ ეიდემ.
საპასუხოდ ისრაელის ხელისუფლებამ ირლანდიიდან და ნორვეგიიდან ელჩები გაიწვია.
ესპანეთი, ირლანდია და ნორვეგია პალესტინის სახელმწიფოს დამოუკიდებლობას აღიარებენ
