პარლამენტის თავმჯდომარე შალვა პაპუაშვილი საქართველოს პრემიერ-მინისტრის განცხადებას გამოეხმაურა, სადაც ირაკლი კობახიძე ერთ-ერთ ევროკომისართან საუბრის დეტალებზე, მათ შორის მუქარაზე საუბრობს.
პაპუაშვილის თქმით, მკვლელობის მცდელობის ფაქტის ხსენება გამაოგნებელია.
„გამაოგნებელია ამ კონტექსტში მკვლელობის მცდელობის მოყვანა. ნებისმიერ შემთხვევაში, რაიმე კონტექსტში ამ ფაქტის ხსენება გამაოგნებელია, რა თქმა უნდა. დამატებით კომენტარებს ამ საკითხთან დაკავშირებით ვერ გავაკეთებ“, - განაცხადა შალვა პაპუაშვილმა.
ირაკლი კობახიძის განცხადებით, გამაოგნებელი იყო მუქარა, რომელიც ერთ-ერთმა ევროკომისარმა ახსენა - „ხომ ნახეთ, ფიცოს რა დაემართა და ძალიან ფრთხილად უნდა იყოთო“.
პაპუაშვილი კობახიძის განცხადებაზე: მკვლელობის მცდელობის ფაქტის ხსენება გამაოგნებელია
