,,როიტერის" ინფორმაციით, იტალია პალესტინელების ჰუმანიტარული დახმარებისთვის 35 მილიონ ევროს გამოყოფს.
იტალიის საგარეო საქმეთა მინისტრის, ანტონიო ტაიანის განცხადებით, იტალია განაახლებს გაერო-ს პალესტინელთა დახმარების სააგენტოს, UNRWA-ს დაფინანსებას.
„იტალიამ გადაწყვიტა, განაახლოს კონკრეტული პროექტების დაფინანსება, რომლებიც მიმართულია პალესტინელი ლტოლვილების დასახმარებლად, თუმცა მხოლოდ დეტალური შემოწმების შემდეგ, რაც უზრუნველყოფს, რომ არცერთი ცენტი არ მოხმარდეს ტერორიზმის მხარდაჭერას“, – განაცხადა ტაიანიმ.
მინისტრის განმარტებით, ხუთი მილიონი ევრო დაიხარჯება გაერო-ს პალესტინელთა დახმარების სააგენტოს პროექტებზე, დანარჩენი თანხა კი მოხმარდება ინიციატივას „საკვები ღაზისთვის“.
იტალია ერთ-ერთი ქვეყანა იყო, რომელმაც UNRWA-ს დაფინანსება შეაჩერა მას შემდეგ, რაც ისრაელის ხელისუფლებამ განაცხადა, რომ სააგენტოს რამდენიმე თანამშრომელი ისრაელზე “ჰამასის” შვიდი ოქტომბრის თავდასხმაში მონაწილეობდა.
იტალია პალესტინელების ჰუმანიტარული დახმარებისთვის 35 მილიონ ევროს გამოყოფს
