BBC-ის ინფორმაციით, ნაფიც მსაჯულთა სასამართლოს მიერ დონალდ ტრამპის დამნაშავედ ცნობის შემდეგ ამერიკის ყოფილმა პრეზიდენტმა მხარდამჭერებს ბრძოლის გასაგრძელებლად დახმარება სთხოვა.
„ახლა მთელი ამერიკა გაყალბებულია. ეს ყველაფერი გაკეთდა მხოლოდ ბაიდენის ადმინისტრაციის მიერ პოლიტიკური ოპონენტის დასაზიანებლად,“ - განაცხადა ტრამპმა.
ნაფიც მსაჯულთა სასამართლომ ამერიკის ყოფილი პრეზიდენტი სისხლის სამართლის საქმეზე წარდგენილი 34-დან 34 ბრალდებაში ცნო დამნაშავედ. გამოძიება დონალდ ტრამპს უმთავრესად ფინანსური დოკუმენტების გაყალბებას ედავებოდა.
ტრამპი: უდანაშაულო ადამიანი ვარ, ახლა მთელი ამერიკა გაყალბებულია
