ევროპარლამენტარი, თიის როიტენი საქართველოს პარლამენტის თავმჯდომარის, შალვა პაპუაშვილის მიერ „აგენტების კანონზე“ ხელის მოწერას გამოეხმაურა და განაცხადა, რომ „ქართულმა ოცნებამ“ ახლახან საქართველოს ევროპული მომავლის კუბოში ბოლო ლურსმნის ჩაჭედება სცადა.
„ქართულმა ოცნებამ" ახლახან საქართველოს ევროპული მომავლის კუბოზე ბოლო ლურსმნის ჩაჭედება სცადა - თუმცა საბოლოოდ ისინი მარცხს განიცდიან. საქართველოს თავისუფალი ხალხი რუსიფიკაციას წინააღმდეგობას ყოველთვის გაუწევს. ისინი ევროკავშირის ნამდვილ მხარდაჭერას იმსახურებენ. დაუწესეთ სანქციები ბატონ ივანიშვილსა და მის მოკავშირეებს“,- წერს თიის როიტენი X-ზე.
პარლამენტის თავმჯდომარემ „აგენტების კანონს“ ხელი დღეს მოაწერა. მისი თქმით, ის ძალაში ხვალიდან შევა.
Georgian Dream just tried to hammer the final nail in the coffin of 🇬🇪 European future – but they will ultimately fail.
— Thijs Reuten 🇪🇺🌹 (@thijsreuten) June 3, 2024
Georgia’s free people will always resist russification. They deserve real EU support.
Sanction Mr Ivanishvili and his allies.#NoToRussianLaw pic.twitter.com/uBDOXN0HaT
