მედია ევროპარლამენტის განახლებული შემადგენლობის პროგნოზს აქვეყნებს, რომელიც 11 წევრი სახელმწიფოს წინასწარ მონაცემებს და 16 წინასაარჩევნო გამოკითხვას ეფუძნება.

აღნიშნული მონაცემებით მანდატები ასე ნაწილდება:
„ევროპის სახალხო პარტია“ ევროპარლამენტში 181 მანდატს მოიპოვებს. 135 ადგილს მიიღებენ სოციალისტები და დემოკრატები. „განაახლეთ ევროპა“ – 82 მანდატს აგროვებს, „ევროპელი კონსერვატორები და რეფორმისტები“ – 71-ს. „იდენტობა და დემოკრატია“  განახლებულ ევროპარლამენტში 62 ადგილს მიიღებს, „მწვანეები“ კი 53-ს. რაც შეეხება მემარცხენეებს, საპროგნოზო მონაცემებით, ისინი 34 მანდატს მიიღებენ.

ევროპარლამენტის არჩევნები 6-9 ივნისს მიმდინარეობდა. ევროკავშირის 27 სახელმწიფოს მოსახლეობა ევროპარლამენტის 720 წევრს ირჩევს.