უკრაინის საჰაერო ძალების ინფორმაციით, ღამით რუსმა სამხედროებმა სამხრეთიდან 13 ,,შაჰიდის" ტიპის უპილოტო თვითმფრინავი გაუშვეს, რომელთაგან ყველა ჩამოაგდეს.
ამასთან, მათივე ცნობით, საჰაერო ძალებმა მტრის მიერ გაშვებული 16 რაკეტიდან 12 მოიგერიეს.
,,რუსმა ოკუპანტებმა განახორციელეს სარაკეტო-საჰაერო დარტყმა უკრაინის სხვადასხვა რეგიონში კრიტიკულ ინფრასტრუქტურულ ობიექტებზე, საჰაერო, საზღვაო და ხმელეთზე დაფუძნებული რაკეტების, ასევე შაჰიდის ტიპის თავდასხმის უპილოტო საფრენი აპარატების გამოყენებით",- წერია ინფორმაციაში.
უკრაინის საჰაერო ძალების ინფორმაციით, უკრაინელებმა რუსების მიერ გაშვებული 12 რაკეტა და ყველა დრონი გაანადგურეს
