კენიაში საპროტესტო აქციაზე პოლიციასთან შეტაკების დროს გარდაცვლილთა რიცხვი 13-მდე გაიზარდა. დაშავებულია ათობით ადამიანი.
აქციის მონაწილეებმა პარლამენტში შეჭრა სცადეს, რა დროსაც სამართალდამცველებმა მათ წინააღმდეგ ცეცხლი გახსნეს. მანამდე პოლიციამ ცრემლმდენი გაზი და წყლის ჭავლი გამოიყენა.
დემონსტრანტები გადასახადების გაზრდის შესახებ კანონპროექტის უკან გაწვევას და პრეზიდენტის გადადგომას ითხოვენ.
თავად პრეზიდენტი აცხადებს, რომ მთავრობა ყველა საშუალებას გამოიყენებს, რათა შეაფერხონ დამნაშავეების მცდელობები შეარყიონ ქვეყნის უსაფრთხოება და სტაბილურობა.
საპროტესტო ტალღა კენიის დედაქალაქში მას შემდეგ დაიწყო, რაც პარლამენტმა ახალი საგადასახადო კანონპროექტი მიიღო. მთავრობა ახალი კანონით ქვეყნის ბიუჯეტში 3 მლრდ დოლარამდე თანხის მიღებას გეგმავს საბიუჯეტო დეფიციტის შესამცირებლად.
კენიაში პოლიციასა და დემონსტრანტებს შორის შეტაკებას 13 ადამიანი ემსხვერპლა
