საქართველოს ნაკრების მეკარე, გიორგი მამარდაშვილი ევროპის ჩემპიონატის ისტორიაში ერთ-ერთი გამორჩეული ფიგურა აღმოჩნდა. მას ტურნირზე ჩატარებულ ოთხ შეხვედრაში 30 მოგერიება ჰქონდა.
OptaJose-ს მონაცემებით, ამ მაჩვენებლით გიორგი მამარდაშვილი ევროპის ჩემპიონატების ისტორიაში, მეკარეებს შორის მეორე ადგილზეა. პირველ ადგილზე იგორ აკინფეევია, რომელსაც ევრო 2008-ზე 32 მოგერიება დაუგროვდა, მესამეზე კი იტალიელი მეკარე ფრანჩესკო ტოლდოა, რომელმაც ევრო 2000-ზე, მამარდაშვილის მსგავსად, 30 „სეივი“ შეასრულა. აღსანიშნავია, რომ ტოლდოს ამისთვის 6 მატჩი დასჭირდა, აკინფეევს კი – 5.
საქართველოს ნაკრები ევრო 2024-ის მერვედფინალში ესპანეთთან 1:4 დამარცხდა და ტურნირს გამოეთიშა.
30 - Only the Russian Igor Akinfeev in 2008 has been the keeper to have made more saves in a single Euro's edition since at least 1980 than Giorgi Mamardashvili 🇬🇪in this edition (30 saves as Italian Francesco Toldo in 2000). Wall#EURO2024 #SPAGEO pic.twitter.com/9jvNko98k3
— OptaJose (@OptaJose) June 30, 2024
