კიევზე განხორციელებული სარაკეტო იერიშის მსხვერპლი გაიზარდა. ბოლო მონაცემებით, დაღუპულია 15 ადამიანი და დაშავებულია 37 ადამიანი.

იერიში ასევე განხორციელდა დნიპროზე, კრივი როგზე, სლავიანსკსა და კრამატორსკზე. საერთო ჯამში, რუსეთის მიერ განხორციელებულ დღევანდელ თავადასხმებს, 28 ადამიანი ემსხვერპლა.

კიევში რაკეტები მოხვდა ბავშვთა საავადმყოფოს, სავაჭრო ცენტრს და საცხოვრებელ სახლებს.

„ეს არის ნამდვილი საშინელება, გენოციდი. ადგილზე მუშაობენ მაშველები. ნანგრევებიდან გვესმის ადამიანების ხმები. ვმუშაობთ რაც შეიძლება სწრაფად, რომ ეს ხალხი გადავარჩინოთ. საკმაოდ ბევრი საქმე გვაქვს გასაკეთებელი“, - განაცხადა კიევის მერმა, ვიტალი კლიჩკომ.