,,ხალხის ძალის" წევრი ირაკლი ბერაია ,,აგენტების კანონზე" აშშ-ის სახელმწიფო მდივნის, ენტონი ბლინკენის განცხადებას ეხმიანება.
ბერაია აცხადებს, რომ საქართველოს ხელისუფლებას სანქციების არ ეშინია.
,,საქართველოსთან დაკავშირებით გამოხატავს შეშფოთებას, თუ ასევე გამოხატავს შეშფოთებას საფრანგეთში მიმდინარე პროცესებთან დაკავშირებით, გამოხატავს შეშფოთებას თურქეთში, კანადაში და ა.შ. სხვა ქვეყნებში მიმდინარე პროცესებთან დაკავშირებითაც გამოხატავენ შეშფოთებას, თუ მხოლოდ საქართველო არის ისეთი ქვეყანა, სადაც მათთვის მიუღებელია ამ კანონის მიღება. პირველ რიგში, ეს შეკითხვა მექნებოდა ბატონ ენტონთან და მოვისმენდი ამ შეკითხვაზე პასუხს და მხოლოდ ამის შემდეგ შევძლებდი კომენტარი გამეკეთებინა მის ამ შეშფოთებაზე.
კარგით რა, ამ სანქციებით გვაშინებენ უკვე რამდენი ხანია, არ გვეშინია ამ სანქციების",- განაცხადა ბერაიამ აშშ-ს მიერ საქართველოში სანქციების შესაძლო დაწესებაზე საუბრისას.
გუშინ, აშშ-ის სახელმწიფო მდივანმა, ენტონი ბლინკენმა შეშფოთება გამოხატა რუსულ კანონთან დაკავშირებით და მას "მოსკოვის სახელმძღვანელოდან" გადმოწერილი უწოდა. ბლინკენის თქმით, კანონის მიღებას "შედეგები მოჰყვება".
ირაკლი ბერაია აშშ-ზე: სანქციებით გვაშინებენ უკვე რამდენი ხანია, არ გვეშინია
